છ મહિના બાદ ફરી રોરો ફેરી સર્વિસ ચાલુ, જો કે દિવસની એક જ ટ્રીપ

સમગ્ર સૌરાષ્ટ્ર માટે બહુ હેતુલક્ષી અને નરેન્દ્ર મોદી ના ડ્રીમ પ્રોજેક્ટ એવો ઘોઘા દહેજ રોરો ફેરી સર્વિસ છ માસથી બંધ રહ્યા બાદ આજથી ફરી રોરો ફેરી ચાલુ થતા લોકોમાં ખુશી જોવા મળી હતી, જો કે હવે માત્ર દિવસની એક જ ટ્રીપ લાગશે અને તે પણ સમુદ્રની ભરતીના સમય મુજબ ચાલશે,જો કે ચાર માસ બાદ પણ રોરો ફેરી સર્વિસ શરુ થતા ફરીવાર લોકો રોરો ફેરીનો આનંદ ઉઠાવતા થયા છે.

સમગ્ર સૌરાષ્ટ્ર અને દક્ષીણ ગુજરાતને જોડતી દરિયાઈ સેવા અને જેનું સ્વપ્ન વડાપ્રધાન નરેન્દ્રભાઈ મોદીએ સેવ્યું હતું, ૨૦૧૨ માં નરેન્દ્ર મોદી ગુજરાતના મુખ્યમંત્રી હતા અને ત્યારે તેમને આ યોજનાનું ખાતમુર્હત કર્યું હતું અને તેઓ દેશના બન્યા બાદ તેમના હસ્તે જ તા ૨૨/૧૦/૧૭ ના રોજ પેસેન્જર ફેરી સર્વિસ ચાલુ કરવામાં આવી હતી જો કે ત્યાર બાદ રોપેક્ષ ફેરી સેવા ચાલુ કરવામાં આવી છે, છેલ્લા છ મહિના જો કે દરિયામાં પાણીનો પુરતો ડ્રાફ્ટ નહિ મળવાના બહાના હેઠળ ફેરી સર્વિસ અનેકવાર બંધ રહી ચુકી છે, ઘોઘા થી દહેજ નો દરિયા વિસ્તાર જે ખંભાતના અખાત તરીકે ઓળખાય છે ત્યાં નર્મદા, તાપી, સાબરમતી, મહી, વિશ્વામિત્રી જેવી ૩૮ જેટલી નદીઓ ના પાણી આવે છે અને જેમાં મોટી માત્રામાં કાંપ તણાઈ ને આવતો હોય છે, એટલે પાણીમાં જે ઊંડાઈ મળવી જોઈએ તે મળતી નથી, દરિયામાં ઊંડી ચેનલ બનાવવા ડ્રેજીંગ નો કરોડો નો કોન્ટ્રકટ પણ આપવામાં આવ્યો હતો પરંતુ આખરે બધું જેમનું તેમ જ હતું, ડ્રેજીંગ કરી માટી ત્યાની જ ત્યાજ નાખાવામાં આવતા પરિસ્થિતિ તે જ રહેતી, જો કે પાણીના ઓછા ડ્રાફ્ટના કારણે એકવાર ફેરી સર્વિસ ને નુકશાન થતા પેસેન્જરો અધવચ્ચે અટવાયા હતા, પરંતુ જીવના જોખમે સંચાલકો દ્વારા ફેરી સર્વિસ ચાલુ રાખવામાં આવી હતી જો કે ૨૪ સપ્ટેમ્બર ૨૦૧૯ થી ફેરી સર્વિસ અચોક્કસ મુદત માટે બંધ કરી દેવામાં આવી હતી.

જો કે હવે જીએમબી દ્વારા ડ્રેજીંગ કામગીરી પૂરી કરી દેવામાં આવતા ફરી ફેરી સર્વિસ ને આજથી ચાલુ કરી દેવામાં આવી છે. જો કે હજુ જે પ્રમાણે ફેરી સર્વિસ ને જેટલી ઊંડાઈ જોઈએ તેટલી ઊંડાઈ ના મળવાના કારણે હાલ દરિયામાં ભરતીના સમયપત્ર પ્રમાણે ફેરી સર્વિસ ચલાવવામાં આવશે, આ પહેલા ફેરી સર્વિસ દિવસમાં બે ફેરા કરતી હતી પરંતુ હવે પુન ફેરી સર્વિસ શરુ થી છે અને તે દિવસમાં એક દિવસ જ ટ્રીપ કરશે.

જો કે છ મહિના બાદ પણ ફેરી સર્વિસ શરુ થતા મુસાફરો અને ટ્રાન્સપોર્ટ સંચાલકોમાં આનદ જોવા મળી રહ્યો છે, સૌરાષ્ટ અને ગુજરાતના લોકો માટે ફેરી સર્વિસએ એક રોમાંચક અનુભવ છે ત્યારે ફેરી સર્વિસમાં લોકો મુસાફરી કરી અને એક રોમાંચિત સફરનો આનદ માણી રહ્યા છે.