એક્ષેલ ક્રોપ કેર દ્વારા એક્ષેલ એક્ષ્પ્રેશનનું આયોજન

ભાવનગર.

બાળકોમાં રહેલ કળા અને સુશુક્ત શક્તિઓ ને જાગૃત કરવા અને બાળકો ને તેની કળા રજુ કરવાની એક પ્લેટફોમ મળી રહે તેવા હેતુ થી ભાવનગરમાં એક્ષેલ ક્રોપ દ્વારા એક્ષેલ એક્ષ્પેરેશન ૨૦૧૬ નું આયોજન કરવામાં આવ્યું હતું જેમાં વિવિધ શાળાના મોટી સંખ્યામાં બાળકોએ ભાગ લીધો હતો.

       શાળા કોલેજમાં આભ્યાસ કરતા બાળકોમાં વિવિધ શક્તિઓ છુપાયેલી હોય છે અને આવી સુશુક્ત શક્તિઓ બહાર લાવવા માટે ભાવનગર એક્ષેલ ક્રોપ કંપની દ્વારા દર વર્ષે એક્ષેલ એક્ષ્પ્રેશન નું આયોજન કરવામાં આવે છે. આ વર્ષે શહેરની શિશુવિહાર સંસ્થા ખાતે બે દિવસીય કાર્યક્રમ નું આયોજન કરવામાં આવ્યું હતું. આ કાર્યક્રમ માં શહેરની વિવિધ શાળામાં અભ્યાસ કરતા લગભગ ૧૭૦૦ જેટલા બાળકોએ વિવિધ સ્પર્ધામાં ભાગ લીધો હતો. જેમાં ખાસ કરીને વિજ્ઞાન પ્રદર્શન, ચિત્ર સ્પર્ધા, વકૃત્વ સ્પર્ધા, ગીત સંગીત સ્પર્ધા, તેમજ આંય રમતગમત ની સ્પર્ધાઓ યોજાઈ હતી જેમાં બાળકોએ ખુબજ ઉત્સાહપૂર્વક ભાગ લીધો હતો, ભાગ લેનાર તેમજ વિજેતા બાળકોને સંસ્થા તરફથી પ્રોત્સાહિત ઇનામો આપી નવાજવામાં આવ્યા હતા. આ ઉપરાંત ગ્રામ્ય કક્ષાએ પણ આવા બાળકોને પ્રોત્સાહન મળી રહે તે માટે આગામી સમયમાં તાલુકા કક્ષાએ પણ આવા કાર્યક્રમો યોજાશે.