આજે ‘સોલાર પાવર પોલિસી 2021’ ની ગુજરાતના મુખ્યમંત્રી વિજય રૂપાણીએ જાહેરાત કરી

સોલાર પાવર પોલિસી આગામી પાંચ વર્ષ સુધી અમલી રહેશે. આ પોલિસીને કારણે ગુજરાતના નાના અને મોટા ઉદ્યોગકારોને ખૂબ ફાયદો થશે. નવી પોલિસીથી પાવર કોસ્ટ (Power cost) લગભગ 4.5 રૂપિયાની આસપાસ આવશે. હાલ ઉદ્યોગોને આઠ રૂપિયા પ્રતિ યુનિટ લેખે વીજળી (Electricity) આપવામાં આવી રહી છે. આ પોલિસીને કારણે ઉત્પાદન ખર્ચ (Electricity production cost) ઓછો આવશે.

સીએમ વિજય રૂપાણીએ આજે પ્રેસકોન્ફરન્સ કરીને જણાવ્યું હતું કે, ગુજરાતમાં નવી સોલાર પાવર પોલિસી 2020ની જાહેરાત કરાઈ છે. સોલાર પાવર પોલિસી આગામી 5 વર્ષની રહેશે. આ પોલિસીથી ઉદ્યોગોમાં પાવર કોસ્ટ નીચે આવશે. સીએમે વધુમાં જણાવ્યું કે, નવી નીતિથી સૌરઊર્જાનો દર ઘટશે. અત્યારે રૂ.8 પ્રતિ યુનિટ ઉદ્યોગોને પાવર મળે છે. મેડ ઈન ગુજરાત વિશ્વમાં છવાઈ જશે. દેશની પ્રથમ ઓપન સોલાર પોલિસી હશે.

ગુજરાતમાં જાન્યુઆરીમાં પણ મોટાં શહેરોમાં નાઈટ કરફ્યુ ચાલુ રહેશે ? જાણો રાજ્ય સરકારે હાઈકોર્ટમાં શું કહ્યું ?

કોરોના મુદ્દે થયેલી સુઓ મોટો પિટિશન પર અત્યારે ગુજરાત હાઇકોર્ટમાં સુનાવણી ચાલી રહી છે. કોર્ટે ક્રિસમસ, 31 ડિસેમ્બર અને ઉત્તરાયણ ના તહેવારો દરમિયાન વધુ ધ્યાન રાખવાની જરૂર હોવાનું જણાવ્યું હતું.

દિવાળી પછી કોરોના કેસો વધતા ગુજરાત સરકાર દ્વારા અમદાવાદ,વડોદરા, સુરત અને રાજકોટમાં નાઈટ કર્ફ્યું લગાવી દેવામાં આવ્યા છે, ત્યારે જાન્યુઆરી મહિનામાં પણ નાઈટ કર્ફ્યું લંબાઈ શકે છે. કોરોના ના મુદ્દે થયેલી જુઓ મોટો પિટિશન પર અત્યારે ગુજરાત હાઇકોર્ટમાં સુનાવણી ચાલી રહી છે.

કોર્ટે ક્રિસમસ ,31 ડિસેમ્બર, ન્યૂયર અને ઉતરાયણ તહેવાર દરમિયાન વધુ ધ્યાન રાખવાની જરૂર હોવાનું જણાવ્યું હતું.આ સમયે એડવોકેટ જનરલે કોર્ટમાં મોટું નિવેદન આપ્યું હતું અને જણાવ્યું કે જાન્યુઆરી મહિનામાં પણ નાઈટ કર્ફ્યું લંબાવી શકે છે.

રાજ્યમાં સતત ત્રીજા દિવસે એક હજારથી ઓછા કેસ નોંધાયા, આજે ક્યાં કેટલા કેસ નોંધાયા ? જાણો

રાજ્યમાં કુલ સંક્રમિતની સંખ્યા 2,38,205 પર પહોંચી છે. રાજ્યમાં અત્યાર સુધીમાં 92,17,823 ટેસ્ટ કરવામાં આવ્યા છે.

રાજ્યમાં હાલ 11040 એક્ટિવ કેસ છે, જ્યારે અત્યાર સુધી કુલ 2,22,911 લોકોને ડિસ્ચાર્જ કરી દેવામાં આવ્યા છે. રાજ્યમાં હાલ 66 દર્દી વેન્ટીલેટર પર છે અને 10977લોકો સ્ટેબલ છે.

રાજ્યમાં આજે અમદાવાદ કોર્પોરેશનમાં 4 અને સુરત કોર્પોરેશન માં 2 ના મોત સાથે કુલ 6 લોકોના કોરોનાથી મોત થયા હતા.

અમદાવાદ કોર્પોરેશનમાં 195, સુરત કોર્પોરેશન માં 123 ,વડોદરા કોર્પોરેશનમાં 96, રાજકોટ કોર્પોરેશનમાં 97, સુરતમાં 34, વડોદરા-32, મહેસાણા -31, રાજકોટ- 29, કચ્છ- ૨૪ ,દાહોદ- 23, ગાંધીનગર- 19, સાબરકાંઠા -17 અને સુરેન્દ્રનગરમાં 16 કેસ નોંધાયા હતા.

મુખ્યમંત્રી કિસાન સહાય યોજનાના અમલ કરવાની માંગ સાથે કિસાન કોંગ્રેસ દ્વારા આવેદનપત્ર અપાયું

મુખ્યમંત્રીને ઉદ્દેશીને કલ્યાણપુર મામલતદાર ને આવેદનપત્ર આપ્યું

તાળી, થાળી વગાડી નવતર વિરોધ સાથે આવેદનપત્ર આપવામાં આવ્યું

તાળી, થાળી વગાડી કુંભકર્ણ નિદ્રાધીન સરકારને જગાડવાનો પ્રયાસ

ખેડૂતોએ કહ્યું.....

     "મુખ્યમંત્રી જૂઠું બોલ્યા છે"

     "સરકાર બોલીને બદલી ગઈ છે"

     "સરકારે ખેડૂતો સાથે વિશ્વાસઘાત કર્યો છે"

નિયમોનુસાર 1 લાખ સુધીનું પ્રત્યેક ખેડૂતોને વળતર મળવાપાત્ર છે તે ચુકવવામાં આવે

ગુજરાતના ખેડૂતો જાણવા માંગે છે હજુ સુધી યોજનાનો અમલ કેમ નહીં....???

         મુખ્યમંત્રી કિસાન સહાય યોજનાનો અમલ કરવાની માંગ સાથે આજે ગુજરાત કિસાન કોંગ્રેસ અને કલ્યાણપુર તાલુકા સમિતિ દ્વારા મુખ્યમંત્રી ને ઉદ્દેશીને લખાયેલ આવેદનપત્ર કલ્યાણપુર મામલતદારને આપવામાં આવ્યું હતું. મોટી સંખ્યમાં ખેડૂતોની ઉપસ્થિતમાં આવેદનપત્ર આપવા જતી વખતે તાળી થાળી વગાડી કુંભકર્ણ નિદ્રામાં સુતેલી સરકારને જગાડવાનો નવતર વિરોધ કિસાન કોંગ્રેસ અને કલ્યાણપુર તાલુકા કોંગ્રેસ સમિતિ દ્વારા કરવામાં આવ્યો હતો આ આવેદનમાં લખવામાં આવ્યું છે કે ""જય કિસાન સાથ જણાવવાનું કે રાજ્ય સરકાર દ્વારા તારીખ 10 ઓગસ્ટના દિવસે મુખ્યમંત્રીશ્રીએ પ્રેસ કોંફરન્સ કરી જાહેર કર્યું હતું કે ચાલુ વર્ષના ખરીફ ઋતુ માટે પ્રધાનમંત્રી પાકવીમા યોજના રદ્દ કરીએ છીએ તેની જગ્યાએ મુખ્યમંત્રી કિસાન સહાય યોજના લાગુ કરવામાં આવે છે આ યોજના જ્યારે લાગુ કરી ત્યારે એટલે કે 10 ઓગસ્ટ સુધીમાં તો ખેડૂતોએ પ્રધાનમંત્રી પાકવીમાં યોજનાના નિયમો(1 એપ્રિલ થી 31 જુલાઈ) મુજબ પાકવીમા પ્રીમિયમ બેંકોમાં જમા કરી દીધું હતું ત્યારબાદ અચાનક જ પ્રધાનમંત્રી પાકવીમા યોજના ખેડૂતોની સંમતિ લીધા વગર જ એક પક્ષીય નિર્ણય લઈ રદ્દ કરવામાં આવી 

     આ મુખ્યમંત્રી કિસાન સહાય યોજનાની શરતો અને નિયમો મુજબ 15 ઓક્ટોબર થી 15 નવેમ્બર ના સમયગાળામાં સતત 48 કલાકમાં 50 મિલિમિટર એટલે કે 2 ઇંચ કે તેથી વધારે વરસાદ પડે તો એને માવઠું ગણવામાં આવશે અને જે તાલુકમાં તાલુકા મથકે માવઠાનો વરસાદ નોંધાશે તેના 7 દિવસમાં જિલ્લા કલેકટર દ્વારા રાજય સરકારને દરખાસ્ત મોકલવાની રહશે ત્યારબદના 7 દિવસમાં રાજ્ય સરકારે નિર્ણય કરી ડીડીઓ ને સૂચના આપવાની અને 15 દિવસમાં ડીડીઓ એ નુકશાનીની આકારણી કરી ખેડૂતોને થયેલ નુકશનની આકારણી મુજબ જો 33% થી 60% સુધીનું નુકશાન હોય તો પ્રતી હેક્ટર રૂપિયા 20 હજાર વધારેમાં વધારે 4 હેકટર એટલે કે 80 હજાર પાક નુકશાનીના વળતર પેટે ચૂકવવાના અને જો નુકશાન 60% કરતા વધારે હોય તો પ્રતી હેકટર 25 હજાર વધારેમાં વધારે 4 હેકટરની મર્યાદામાં એટલે કે રૂપિયા 1 લાખ રૂપિયા સુધી પાક નુક્શાનીના વળતર પેટે ચૂકવવાના થાય.

    કલ્યાણપુર તાલુકામાં તારીખ 20 ઓક્ટોબર 2020 ના રોજ 30 મિલિમિટર અને તારીખ 22 ઓક્ટોબર 2020ના રોજ 43 મિલિમિટર વરસાદ એમ સતત 48 કલાકમાં તાલુકા મથકે રેઇનગેજ દ્વારા 73 મિલિમિટર વરસાદ નોંધાયો તેને આજે એક મહિનાનો સમય વીતી ગયો છે જે 2 ઇંચ કરતા વધારે છે કલ્યાણપુર તાલુકાના ખેડૂતોને ઓછામાં ઓછું 50% થી લઈ 100% સુધી ખરીફ પાકને નુકશાન થયું છે તેમ છતાં ખેડૂતોના પાકને માવઠાથી થયેલ નુકશાનીની આકારણી કરવા એક મહિના સુધી કોઈ આવ્યું નથી. રાજ્ય સરકારમાં કોઈ દરખાસ્ત થઈ હોય કે રાજ્ય સરકાર તરફથી કોઈ સર્વે કરવા હજુ સુધી ખેડૂતોના ખેતરમાં કોઈ આવ્યું નથી તો ખેડૂતો આ સળી ગયેલા પાકને ક્યાર સુધી સાચવીને રાખે.....???? ખેડૂતોએ પણ શિયાળુ પાકનું વાવેતર કરવાનું છે ખેડૂતોને આ નવા વાવેતર માટે રૂપિયાની જરૂરિયાત છે ત્યારે સરકારે કરેલી જાહેરાત મુજબ મુખ્યમંત્રી કિસાન સહાય યોજનામાં રાણાવાવ તાલુકાનો સમાવેશ કરવામાં આવે અને ખેડૂતોને માવઠાના કારણે થયેલા નુકશાન બદલ નિયમોનુસાર વળતર આપવામાં આવે તેવી અમારી ગુજરાત કિસાન કોંગ્રેસ અને કલ્યાણપુર તાલુકા કોંગ્રેસ સમિતિની નમ્ર લાગણી અને માગણી છે""

ગુજરાતભરમાં ગુજરાતી ફિલ્મ 'હવે ક્યારે મળીશું' લોકપ્રિયતાની ટોચે..

તાજેતરમાં દિવાળી તહેવાર પર સમગ્ર ગુજરાતમાં રજૂ થયેલી પારિવારિક ગુજરાતી ફિલ્મ 'હવે ક્યારે મળીશું' એ અનેક રેકોર્ડ બ્રેક કર્યા છે. કોરોના ના લાંબા સમય પછી પહેલીવાર સિનેમા ઘરોમાં દર્શકોની મોટી ભીડ જામી છે. 

ગુજરાતી ફિલ્મ 'હવે ક્યારે મળીશું' બહુ વખણાય કારણ કે, પરિવાર સાથે જોવા લાયક ફિલ્મ છે, તેનું સુમધુર ગીત-સંગીત, એક એકથી ચડિયાતા સંવાદ, લોકેશન, વાર્તા, સસ્પેન્સ સ્ટોરી, કલાકારો, અભિનય, કોરિયોગ્રાફી એ દરેક બાબતે ગુજરાતી દર્શકોને ભારે ઘેલું લગાડ્યું છે.

કંડોલિયા ફિલ્મ્સ બેનર તળે બનેલી ફિલ્મ 'હવે ક્યારે મળીશું' સફળતાનો ગ્રાફ વટાવી ગઈ છે. મોટાભાગના સિનેમા ઘરમાં હોઉસ ફૂલ શો જઈ રહ્યા છે. ફિલ્મના નિર્માતા  હર્ષદ કંડોલિયા અને ખુશ્બુ શાહે  એક સફળ ફિલ્મ આપવામાં કોઈ કસર છોડી નથી, કર્ણપ્રિય ગીત સંગીત, ખ્યાતનામ ગુજરાતી ગાયક જીજ્ઞેશ બારોટ અને રાજદિપ બારોટનો અવાજ અને અભિનય રંગ લાવ્યો છે. બીજી બાજુ લોકપ્રિય અભિનેત્રી પ્રિનલ ઓબેરોય અને શ્રેયા દવે એ જાજરમાન અભિનયના કામણ પાથર્યા છે. જ્યારે વિલન બનેલા પ્રેમ કંડોલિયા એ તો જાનદાર અભિનય આપ્યો છે

ફિલ્મના એક એક સીન અને સંગીતે દર્શકોને આફરીન આફરીન કરી દીધા છે. 

 "મારા મલકના મેના રાણી ધીમા ધીમા હાલો રે.." ગીત એ તો ચાંદી ચાંદી કરી છે. ફિલ્મના દિગ્દર્શક હર્ષદ કંડોલિયા અને ક્રિએટિવ દિગ્દર્શક ભાવેશ ગોરસિયા અને અનમોલ શાહ છે. ફિલ્મના સુમધુર ગીત રાહુલ વેગડ લખ્યા. સંગીતકાર મનોજ વિમલથી ચાર ચાંદ લાગ્યા છે.

એક બીજી રીતે જોવા જઈએ તો અર્બન અને રૂલરના ભાગલા પાડનાર ને 'હવે ક્યારે મળીશું' ફિલ્મ જડબાતોડ જવાબ છે...!

આ ફિલ્મ માત્ર સિંગલ સિનેમામાં જ ચાલી તેવું નથી, મલ્ટીપ્લેક્ષમાં પણ  આ ફિલ્મમાં લોકો એ ભીડ જમાવી છે અને વખાણી છે. આ ફિલ્મ પરિવાર સાથે જોવી રહી. તેવો ફિલ્મ રસિકોનો મત પ્રવર્તી રહ્યો છે

મતદાર યાદી સુધારણા કાર્યક્રમ વર્ષ ૨૦૨૧.

મતદારયાદી સુધારણા કાર્યક્રમ વર્ષ ૨૦૨૧ ના અંતર્ગત આપનું નામ મતદારયાદીમાં નોંધાવવા માટેની અમૂલ્ય તક, આપનું નામ અને ફોટો મતદારયાદીમાં ના હોય તો, આપના કુટુંબ ના કોઈપણ સભ્ય ના નામ મતદારયાદીમાં ના હોય તો અને આપના રહેણાંક વિસ્તારના મતદાન મથક ની મતદાર યાદીમા ના હોય તો આ ઉપરોક્ત તમામ બાબતોને ચકાસણી માટે આપના મતદાન મથકે નીચે જણાવેલ તારીખે અને સમયે બૂથ લેવલના અધિકારીને જઈને મળવું, તારીખ ૨૨ અને ૨૯ નવેમ્બર તથા તારીખ ૬ અને ૧૩ ડિસેમ્બર ૨૦૨૦ સમય સવારે ૧૦ થી સાંજે ૫ વાગ્યાં સુંધી આપના વિસ્તારના મતદાન મથકો માં નવા મતદારો તથા સુધારા ના તમામ ફોર્મ ભરી સ્થળ પર જમા કરાવી શકશો.

રૂપાણી સરકારે કરફ્યુમાં લગ્નની આપી છૂટ, જાણો કેટલા મહેમાનોને રાખી શકાશે હાજર ? પોલીસ પાસે જઈને શું કરવું પડશે ?

અમદાવાદઃ શહેરમાં શુક્રવારે રાતે નવા વાગ્યાથી કર્ફ્યુ લાગુ થઈ ગયું છે. અમદાવાદમાં સોમવારે છ વાગ્યા સુધી કર્ફ્યુ લાગુ રહેશે. અમદાવાદમાં કર્ફ્યુનો અલમ કરાવવા માટે રાતના નવ વાગ્યા પહેલા જ પોલીસ એક્શનમાં આવી ગઈ હતી.

અમદાવાદમાં કર્ફ્યુના અમલ માટે સાંજે સાત વાગ્યાથી જ પોલીસે અલગ અલગ વિસ્તારોમાં ચેતવણી શરૂ કરી દીધી હતી. રાત્રે આઠ વાગ્યે જ મોલ, દુકાનો બંધ થઈ ગઈ હતી. કર્ફ્યુના જાહેરાનામાનો ભંગ કરનાર સામે ગુનો નોંધાશે. દૂધ,દવા સહિતની આવશ્યક ચીજવસ્તુઓને છુટછાટ આપવામાં આવી છે.

કોરોનાની વિસ્ફોટક સ્થિતિઃ અમદાવાદમાં એક જ દિવસમાં માઈક્રો કન્ટેનમેન્ટ ઝોનમાં 17 નવા સ્થળનો વધારો

અમદાવાદમાં હવે કોરોનાના દર્દી ઇચ્છે તે હોસ્પિટલમાં દાખલ નહીં થઈ શકે, દાખલ કરવાની પદ્ધતિમાં સરકારે કર્યો ફેરફાર

અમદાવાદમાં કર્ફ્યૂ પહેલા ખરીદી માટે મોલમાં જામી લોકોની ભીડ, કયો જાણીતો મોલ કોર્પોરેશને કરી દીધો સીલ?

અમદાવાદમાં 22 તારીખે 1600 લગ્ન, કર્ફ્યૂને કારણે શું થશે તેની સૌને ચિંતા

અમદાવાદમાં કર્ફ્યુનો અમલ થઈ ગયો છે ત્યારે સરકારે લોકોને કેટલીક રાહત પણ આપી છે. આ કર્ફ્યુ દરમિયાન શહેરમાં પેટ્રોલ, ડીઝલ, સીએનજી પંપ ચાલુ રાખવાનો નિર્ણય કરાયો છે. એલપીજી સીલીન્ડરની ડીલીવરી પણ યથાવત રાખવાનો નિર્ણય કરાયો છે.

દોઢ મહિના પહેલા સરકારે અનલોક- ૫ની ગાઈડલાઈન જાહેર કરી ત્યારે લગ્નોના મૂર્હત નહોતા. હવે લાભ પાંચમ, દેવ ઉઠી એકાદશી પછી મોટાપાયે લગ્નોના મૂર્હત છે અને છેલ્લા એક સવા મહિનાથી કંકોતરી સાથે ચૌ તરફ આમંત્રણો અપાયા છે ત્યારે ગુજરાત સરકારે ચારેય મહાનગરોમાં રાત્રિ કરફ્યૂજાહેર કર્યો છે. જેના કારણે આ પરિવારોને મુશ્કેલી પડી શકે તેમ છે.

આ સ્થિતિમાં કફર્યૂ દરમિયાન લગ્ન પ્રસંગ માટે જે લોકો હાજર રહેવાના હોય તેના લીસ્ટ સાથે પોલીસ સ્ટેશનમાંથી મંજૂરી મેળવવાની રહેશે. રાજય સરકારે રાજયમાં લગ્નપ્રસંગમાં 200 લોકોને હાજર રહેવા માટે આપી છે છૂટછાટ.

અન્ય શહેરોમાં પણ રાત્રિ કરફ્યૂ હોવા સંબંધે નીતિન પટેલે પ્રેસ કોન્ફરન્સમાં કહ્યું હતું કે, લગ્નોમાં ભોજન કે રિસેપ્શન દિવસે જ રાખવામાં આવે તો રાત્રે મંજૂરી લેવાનો પ્રશ્ન જ રહે નહી.

રાજ્યમાં ભારે વરસાદની આગાહીને લઈ ખેડૂતો ચિંતામાં, વરસાદી ઝાપટાંથી પાકને નુકસાન

 એકબાજુ ચોમાસુ વિદાય લેવાની તૈયારીમાં છે, તેવામાં રાજ્યમાં ભારે વરસાદ ની આગાહી વચ્ચે અનેક જિલ્લાઓમાં વરસાદી ઝાપટું પડતાં ખેડૂતોમાં ચિંતા ફેલાઈ ગઈ છે. હવામાન વિભાગ દ્વારા સૌરાષ્ટ્ર  અને દરિયાકિનારાના વિસ્તારમાં વરસાદની આગાહી કરવામાં આવી છે. અને વરસાદને કારણે ખેડૂતોના તૈયાર પાકને નુકસાનની ભીતિ સેવાઈ રહી છે.

હવામાન વિભાગ દ્વારા અમદાવાદ, આણંદ, અરવલ્લી, દાહોદ, ગાંધીનગર, ખેડા, મહિસાગર, પંચમહાલમાં વરસાદની આગાહી કરવામાં આવી છે. ભારે વરસાદની આગાહી વચ્ચે ગત રાત્રિએથી રાજ્યના અનેક જિલ્લાઓમાં વરસાદી ઝાપટાંએ ખેડૂતોની ચિંતામાં વધારો કર્યો છે. અમદાવાદ સહિત રાજ્યના અનેક જિલ્લાઓમાં વરસાદી ઝાપટું પડ્યું હતું.

આણંદના ખંભાતમાં ધોધમાર વરસાદ વરસ્યો હતો. વરસાદના કારણે ખેડૂતના ડાંગરના પાકને પાકને નુકસાનની ભીતિ સેવાઈ રહી છે. બનાસકાંઠાના ભાભરમાં વરસાદી માહોલ સર્જાયો છે. અમરેલી જિલ્લામાં પણ 200 ટકા વધારે વરસાદે તારાજી સર્જી છે. અમદાવાદમાં પણ મોડી રાત્રે શહેર અને ગ્રામ્ય વિસ્તારમાં વરસાદ વરસ્યો હતો. ગાંધીનગરના કલોલમાં વરસાદને કારણે ઠંડક પ્રસરી હતી. કચ્છમાં રાપર સહિતનાં આસપાસના ગામોમાં એકથી દોઢ ઈંચ વરસાદ વરસ્યો હતો. ખેડા જિલ્લાના નડિયાદમાં પવન અને ગાજવીજ સાથે વરસાદ વરસ્યો હતો. અરવલ્લીના ભિલોડા, શામળાજી અને માલપુરમાં વરસાદ વરસ્યો હતો. 

વરસાદી ઝાપટું પડવાને કારણે ખેતરોમાં તૈયાર પાક પલળી ગયો હતો. જેના કારણે ખેડૂતો પર પડતાં પર પાટુ જેવો ઘાટ સર્જાયો હતો. વરસાદને કારણે ડાંગર, બાજરી સહિતના અન્ય પાક પલળી જતાં ભારે નુકસાન થયું છે. અને તેને કારણે ખેડૂતોના મોં આવેલ કોળિયો છીનવાઈ ગયો છે. પાક પલળી ન જાય તે માટે ખેડૂતોએ પ્લાસ્ટિક અને તાડપત્રી લઈને પાક ઢાકવા ખેતરોમાં દોડી ગયા હતા.