બોટાદ આસ્થા ચેરિટેબલ ટ્રસ્ટ દ્વારા આજથી 26મી જાન્યુઆરી સુધી પુસ્તક મેળો યોજાશે

બોટાદ આસ્થા ચેરિટેબલ ટ્રસ્ટ દ્વારા શહેરના યુવાનો માટે વિવિધ સ્પર્ધાત્મક પરીક્ષાઓના પુસ્તકો તેમજ બાળકો માટે વાર્તા અને નાની પુસ્તિકાઓ ખાસ ડિસ્કાઉન્ટની મળી રહે તે માટે પુસ્તક મેળાનું આયોજન કરવામાં આવ્યું છે. આ પુસ્તક મેળો તા. 23 થી 26 જાન્યુઆરી સુધી બોટાદ હવેલી ચોક મહિલા મંડળ ખાતે યોજવામાં આવશે. જેમાં સ્પર્ધાત્મક પરીક્ષા, બાળવાર્તા, સાહસિક કથાઓ, જુર્લેવર્લની રોમાંચક કથાઓ, મેઘાણી સાહિત્ય, ડૉ આઈ કે.વીજળીવાળાના પુસ્તકો, આધ્યાત્મિક પુસ્તકો, મેનેજમેન્ટ, બોટાદના લેખક અને સંપાદકના પુસ્તકો તથા અંગ્રેજી માધ્યમના વિદ્યાર્થીઓ માટે ઈંગ્લિશ સ્ટોરીની બુકો પણ ઉપલબ્ધ છે.

આ પુસ્તક મેળામાં 25 થી 50 ટકા સુધી ડિસ્કાઉન્ટ આપવામાં આવી રહ્યું છે તેમજ પુસ્તકમેળામાંથી એકત્ર થનાર તમામ ફંડ દિવ્યાંગ બાળકોની પ્રવૃત્તિ માટે ઉપયોગમાં લેવામાં આવશે. બોટાદ અને આજુબાજુના તમામ વાંચન પ્રિય વિદ્યાર્થીઓ, યુવાન અને વડીલ ભાઈ-બહેનો પુસ્તક મેળાની મુલાકાત લેવા માટે સંસ્થાનાં સંચાલક દ્વારા જણાવવામાં આવ્યું છે.