સૌજન્ય.અશોક મકવાણા.તળાજા
તળાજા
તળાજા તાલુકાના ટીમાણા ગામે આજે સમગ્ર બાબર જ્ઞાતિ ટીમાણા હુંડો દ્વારા દ્વિતીય સમૂહલગ્નનું આયોજન કરવામાં આવ્યું હતું. આ સમૂહલગ્નમાં ૩૯ નવદંપતિઓએ સાધુ-સંતો અને સમાજના અગ્રણીઓના આશીર્વચન સાથે પ્રભુતામાં પગલાં પાડ્યા હતા.જેમ બાપ પોતાની વ્હાલસોયી દીકરીને જે રીતે ઘેરથી વળાવી અને સાસરીએ વિદાય આપે છે તે જ રીતે ટીમાણા બાબર જ્ઞાતિ હુંડો દ્વારા દીકરીઓને કરિયાવર આપી વિદાય કરવામાં આવી હતી, સમગ્ર લગ્નમાં બાબર જ્ઞાતિના લોકો મોટી સંખ્યામાં હોશે-હોશે ઉમટી પડ્યા હતા. બાબર સમાજ ના આગેવાનો દ્વારા સમૂહ લગ્નમાં ઉદારદિલે ફાળો આપી, તેમ જ સમાજના આગેવાનોએ આ સમુહલગ્નને સફળ બનાવવા ભારે જહેમત ઉઠાવી હતી.
ટિપ્પણીઓ નથી:
ટિપ્પણી પોસ્ટ કરો