ભાવનગર
અધેવાડા ગામે કોમન પ્લોટમાં વાહન પાર્કિંગ કરવા બાબતે નિવૃત આર્મીમેને હવામાં ફાયરીંગ કરતા ચકચાર મચી ગઇ છે, ઘટના ને લઈને એએસપી સફિન હસન, ભરતનગર પીઆઇ સહિતનો પોલીસ કાફલો ઘટના સ્થળે દોડી ગયો હતો અને આર્મીમેનની અટકાયત કરી જરૂરી કાર્યવાહી કરી હતી.
ભાવનગરના અધેવાડા ગામે મકાનની બાજુમાં આવેલ કોમન પ્લોટમાં વાહન પાર્કિંગ કરવા જેવી સામાન્ય બાબતે ઉશ્કેરાયેલા નિવૃત્ત આર્મીના જવાન લાલુભાઈ ડાભી તેમના પાડોશમાં રહેતા છગનભાઇ ભટ્ટ નામના આધેડ સાથે બોલાચાલી થતાં ગુસ્સા પરનો કાબૂ ગુમાવેલ નિવૃત્ત આર્મી જવાને તેની પાસે રહેલ ગન માંથી હવામાં ધડાધડ બે રાઉન્ડ ફાયરિંગ કરતા ભારે ચકચાર મચી જવા પામી હતી. આ ઘટનાની જાણ એએસપી સફીન હસન ભરતનગર પોલીસ મથકના પીઆઈ યાદવ તથા એલસીબી સહિતની ટીમ સ્થળે દોડી ગઈ હતી અને તપાસ હાથ ધરી છે. હવામાં ફાયરીંગની ઘટના બનતા સમગ્ર અધેવાડા અને ભાવનગર પંથકમાં ચકચાર મચી જવા પામી હતી.જો કે ફાયરિંગ કરનાર આર્મીમેન પોતાના ઘેર જ હોય પોલીસે તેને હાથવેંતમાં કરી અને વધુ કાર્યવાહી હાથ ધરી હતી.
ટિપ્પણીઓ નથી:
ટિપ્પણી પોસ્ટ કરો