 | |
| તસ્વીર- શૈલેશ રાવલ |
ભાવનગર એસ.ઓ.જી.ને બાતમી હકિકત મળેલ હતી કે, ભાવનગર જીલ્લામાંથી હદપાર થયેલ શહેઝાદ કુરેશી બાર્ટન લાયબ્રેરી સામે રેડક્રોસના ઓટલા ઉપર તમંચા સાથે ઉભો છે. જે બાતમી હકિકત આધારે ભાવનગર એસ.ઓ.જી. પોલીસે ટીમ બનાવી ઓપરેશન ગોઠવી બાર્ટન લાયબ્રેરી સામે રેડક્રોસના ઓટલા ઉપર આરોપી શહેઝાદ ઉર્ફે શહેજાનહુસૈન બશીરહુસૈનભાઇ કુરેશી રહે. લીમડીવાળી સડક ભાવનગરવાળાને ગેર કાયદેસરના ફાયર આર્મ્સ દેશી બનાવટના તમંચા સાથે ઝડપી પાડી આર્મ્સ એકટ હેઠળ તથા મજકુર ઇસમ ભાવનગર જિલલામાંથી હદપારનો ભંગ કરી મળી આવતા હદપારી ભંગ મુજબની કરી, એસ.ઓ.જી.ના પોલીસ કોન્સ. સોહિલભાઇ ચોકીયા તથા વિશ્વજીતસિંહ ઝાલાએ અલગ અલગ ફરિયાદ આપી ગંગાજળીયા પોલીસ સ્ટેશનમાં ગુન્હો રજીસ્ટર કરાવેલ છે .આ કામગીરીમાં એસ.ઓ.જી.ના પોલીસ ઇન્સ્પેકટર કે.બી.જાડેજાના માર્ગદર્શન હેઠળ એસ.ઓ.જી. શાખાના હેડ કોન્સ. જીતેન્દ્રસિંહ જાડેજા તથા પ્રદિપસિંહ ગોહિલ તથા પોલીસ કોન્સ. સોહિલભાઇ ચોકીયા તથા વિશ્ર્વજીતસિંહ ઝાલા જોડાયા હતા.
ટિપ્પણીઓ નથી:
ટિપ્પણી પોસ્ટ કરો