ગઢડામાં સર્વોપરિ ગૌ શાળાની મુલાકાતે પૂર્વ કેન્દ્રીય મંત્રી શ્રી ડો. વલ્લભભાઈ કથીરીયા તેમજ ભાજપ અગ્રણીઓ

 

ગઢડા સર્વોપરિ ગૌ શાળા ખાતે આજરોજ પૂર્વ કેન્દ્રીય મંત્રીશ્રી અને રાષ્ટ્રીય કામધેનુ આયોગના ચેરમેન એવા ડો. વલ્લભભાઈ કથીરીયા તેમજ ભાજપના અગ્રણી કાર્યકર્તા શ્રી ચેતનભાઇ રામાણીએ અહીં સર્વોપરિ ગૌ શાળાની મુલાકાત લીધી હતી જ્યાં ગઢડા મંદિર ના પુ. એસ.પી. સ્વામી તેમજ શાસ્ત્રી સ્વામી ઘનશ્યામવલ્લભદાસજી અને સર્વોપરિ ગૌ શાળા ના સંચાલક અને ગુજરાત રાજય ગૌ રક્ષક કમાન્ડો પ્રમુખ શ્રી પાર્ષદ સંજય ભગત સાથે મુલાકાત કરી હતી.
ઉલ્લેખનીય છે કે હાલ ગઢડા-ઉમરાળા વિધાનસભાની ચૂંટણીનો પ્રચાર પુર જોશમાં ચાલી રહ્યો હોય જેમા ભાજપના ઉમેદવાર એવા શ્રી આત્મારામભાઇ પરમારના સમર્થનમાં ગઢડા તેમજ ગ્રામ્ય વિસ્તારોમાં ચુંટણી પ્રચાર માટે પધારેલા દરેક રાજકીય અગ્રણીઓ સર્વોપરિ ગૌ શાળાની મુલાકાત લેતા હોય છે જેમા આજરોજ પૂર્વ કેન્દ્રીય મંત્રી ડો. વલ્લભભાઈ કથીરીયા અહીં સર્વોપરિ ગૌ શાળાની મુલાકાત લઇ ગઢડા મંદિર ના સંતો પુ. એસ.પી સ્વામી તથા શાસ્ત્રી સ્વામી ઘનશ્યામવલ્લભદાસજીને મળી ચર્ચાઓ કરી હતી.