ભાવનગર જિલ્લા પોલીસ દ્વારા ભાવનગર જિલ્લામાં 32મો રાષ્ટ્રીય માર્ગ સલામતી મહિનો-2021 ની ઉજવણી કરવામાં આવી રહી છે. તા. 18 જાન્યુઆરી થી 17 ફેબ્રુઆરી સુધી આ મહિના ની ઉજવણી કરવામાં આવશે, જેના ભાગરૂપે ભાવનગર જિલ્લાના વિવિધ સ્થળોએ ટ્રાફિક અવેરનેસ અંગેના કાર્યક્રમો નું આયોજન કરવામાં આવી રહ્યું છે. આજે ભાવનગર શહેરના જુના સી ડિવિઝન પોલીસ સ્ટેશન ગ્રાઉન્ડમાં માર્ગ અકસ્માતમાં તસ્વીરોનું એક પ્રદર્શન યોજવામાં આવ્યું હતું. ભાવનગરના ફોટોગ્રાફર અજય જાડેજા દ્વારા માર્ગ અકસ્માતની લીધેલી તસવીરો અને પ્રદર્શનનું ઉદ્ઘાટન ભાવનગરના એસપી જયપાલસિંહ રાઠોડના હસ્તે કરાયું હતું.
આ કાર્યક્રમમાં ભાવનગરના એસપી જયપાલસિંહ રાઠોડ તેમજ ભાજપ અગ્રણી ગીરીશભાઈ શાહ, આરટીઓ ઇન્સપેકટર જે જે ચુડાસમા, ભાવનગર એસટી ના અધિકારીઓ તેમજ ભાવનગર શહેરની વિવિધ સંસ્થાઓના આગેવાનો ઉપસ્થિત રહ્યા હતા.
ટિપ્પણીઓ નથી:
ટિપ્પણી પોસ્ટ કરો