ગઢડા: ઉત્તરાયણ માથે પણ પતંગદોરાની જોઈએ એવી ઘરાકી જામતી નથી

મકરસંક્રાંતિના તહેવાર અને આંગળીના વેઢે ગણી શકાય એટલા જ દિવસો બાકી રહ્યા છે આમ છતાં પતંગ અને દોરા ની જોઈએ એવી ઘરાકી જામતી નથી એમ પતંગ અને દોરા ના વેપાર સાથે સંકળાયેલા વેપારીઓ જણાવ્યું હતું.

જયા વર્ષોથી પતંગોના ધંધા સાથે સંકળાયેલા વેપારીઓએ જણાવ્યું હતું કે કોરોના કાળમાં આમ તો દરેક વેપાર રોજગાર પર જબરી અસર થઇ છે, પણ આ વર્ષે પતંગ દોરાના વેપારને પણ કોરોના વળગે એવી અમારી હાલત છે ગત વર્ષ કરતાં આ વર્ષે પતંગના ભાવ પણ અમુક ટકા જેટલા જથ્થાબંધ ખરીદી રહ્યા છે ત્યારે ગ્રાહકો ને ક્યાં ભાવે વેચાણ કરવું?વધુમાં તેમણે જણાવ્યું કે આ વર્ષે માલ પણ ઓછો આવ્યો છે 15 દિવસ પહેલા  દુકાને ગ્રાહકોની ભીડ રહેતી હોય છે પણ અત્યારે કાગડા ઊડે એવી હાલત છે. ઉતરાયણ ફક્ત આઠ દિવસની વાર છે પણ પતંગ રસિયાઓ ઓછા છે.